Wednesday, January 12, 2011

العلمانية هي الحل الوحيد

مفيش حل في مصايب مصر إلا نظام مستبد يدي الناس بالجزمه زي نظام أتاتورك اللي أنقذ ...تركيه و خلاها البلد الوحيدة اللي الأغلبية فيها مسلمين بس مش متطرفين و بيهتمو بالفن و الحضاره و التعايش و كل واحد فعلا دينه بينه و بين ربنا مش كله مظاهر. يعني زي ما مصر كانت زمان. مصر رايحة في ستين داهيه من التيار الوهابي السلفي المتخلف و شيوخ الفضائيات الشياطين دول..في خلال ١٠ سنين مصر حتكون مصركيستان..ونتم ياللي ساكتين و فكرين كله تمام و عادي جدا أول ناس حيغنو ظلموه...العلمانية هي الحل الوحيد...أتاتورك محاريبش الدين بس حارب البدع و الاستعباط و استغلال الدين و توغل رجال الدين في السياسة..أحنا محتاجين أتاتورك مصري !!!!! نقاب و ذقون و تحريض و كراهية و عدم تعايش و و و و هو ده مستقبل مصر لو محصلش تغيير

Saturday, January 08, 2011

Enough of the Wahabi Salafi Evil in Egypt & Islam!

حرام اللي بيحصل ده ..طول عمرنا مسلمين و مسيحيين في مصر مع بعض..الفكر الوهابي السلفي الشيطاني اكتسح عقول البسطاء ...أنا مسلم و أخجل من اللي بيحصل بإسم الدين ده ...الفكر الوهابي السلفي عدو الإنسانية و الأديان و الفن و الحضاره و التعايش. فتاوي القهاوي و تطرف الناس لازم يتوقف الآن. مسلم مسيحي أنا مصري ..فلاح صعيدي أنا مصري ..مصر ليست مصراكيستان